БОЛАЛАРДА СИЙДИК ТОШ КАСАЛЛИГИДА
«НЕФРОМАКС» ПРЕПАРАТИНИНГ САМАРАДОРЛИГИ Бекназаров Ж.Б., Рахматуллаев А.А., Абдукадиров Н.Т.
Тошкент педиатрия медицина институти. Тошкент, Ўзбекистон
Долзарблиги. Тиббиётда анъанавий даволаш билан бир қаторда доривор ўсимликлардан тайёрланган фитопрепаратлар ҳам кенг қўлланилади. Замонавий юқори технологияларнинг ривожланиши, ўсимликлардан фаол моддаларининг таркибини ўзгармаган холда сифатли олиш имконини яратди. Нефромакс («MAXPHARM SERVICE», Ўзбекистон) препарати таркибига кирувчи игир, рўён, қизил пойча, қирқбўғим ва петрушка экстрактлари мажмуаси антимикроб, яллиғланишга қарши, антиадгезив, спазмолитик, туз хайдовчи ва енгил сийдик хайдовчи таъсирга эга. Шу сабабли патогенетик нуқтаи назардан препарат сийдик йўллари инфекциялари ва сийдик тош касалликларида комплекс даволаш таркибида қўллаш мумкин.
Мақсад ва вазифалари. Болаларда сийдик тош касаллигини комплекс даво таркибида “Нефромакс” препаратининг самарадорлигини аниқлаш.
Тадқиқотнинг предмети ва усуллари. Сийдик тош касаллиги билан касалланган ва жаррохлик муолажасидан кейинги холатдаги 3 ёшдан 6 ёшгача бўлган 32 та бемор болалар ажратилди. Эркин танлаш йўли билан болалар икки гуруҳга ажратилди. Назорат гуруҳи (n=14) анъанавий усулда сезгирлигидан келиб чиқган ҳолда антибактериал даво, метафилактика ва асосий гуруҳда (n=18) ҳам болалар сезгирлигидан келиб чиқган ҳолда антибактериал даво ҳамда “Нефромакс” сироп йўриқномаси асосида болани ёшидан келиб чиқган холда 2 ой давомида амбулатор шароитда буюрилди. Бемор шифохонадан чиқгач биринчи ой давомида ҳар ҳафтада, сўнгра 3 ой давомида ойда бир маротаба шифокор кўригида ўтказилди. Умумий қон, пешоб таҳлили, Ничепоренко синамаси, пешобнинг муҳити ва антикристал хусусиятлари ўрганиб борилди. Ҳар ойда сийдикнинг бактериал экмаси ва сийдик йўлларининг УТТ текшируви амалга оширилди.
Натижалар. Мурожаат қилган барча болаларда сийдик тош касаллиги бўйича жарроҳлик муолажаси ўтказилган. Беморлар иккинчи босқич даволаниш давом эттиришдан олдин тахлилларда лейкоцитурия, кристалурия, эритроцитурия ва бактерияурия аниқланган. Даволанишнинг 7 суткасига келиб динамик текширувларда кўрсаткичлар ижобий томонга ўзгарган. Асосий гуруҳда лейкоцитурия, бактериурия 14 кунга келиб кескин камайган. Кристаллурия, микрогематурия белгилари биринчи ой охирига келиб камайган. Иккинчи ой охирига келиб микрогематурия ва кристаллурия кузатилмаган. Назорат гуруҳида бу белгилар сақланиб қолган (р<0,05). 3 ойлик кузатув давомида клиник-лабаратор ўзгаришлар назорат грухида 4 та (28%) беморларда ва асосий гуруҳда 3(16%) рецидив кузатилган.
Хулоса. Нефромакс сиропли препарат болаларда сийдик йўллари инфекцияси ва сийдик тош касаллиги рецидивланиши ва метафилактикасида комплекс даволаш таркибида қўллаш тавсия қилинади.